पूर्वमन्त्री राजेन्द्र पाण्डेसँग सिड्नीमा अन्तरक्रिया हुने

पूर्वमन्त्री एवं नेकपा (एकीकृत समाजवादी)का वरिष्ठ उपाध्यक्ष राजेन्द्र पाण्डेसँग १८ जनवरीका दिन सिड्नीमा अन्तरक्रिया हुने भएको छ।
नेकपा –एकीकृत समाजवादी) निकट प्रवासी नेपाली एकता मञ्चको आयोजनामा सिड्नीको ग्रानभिलमा रहेको राताघर फङ्सन सेन्टरमा कार्यक्रम हुन लागेको हो।
पाण्डे बागमति प्रदेशका पूर्व मुख्यमन्त्री पनि हुन्।
अष्ट्रेलियामा रहेका नेपाली समुदायसँग पूर्वमन्त्री पाण्डेको अन्तरक्रिया नेपालको समसामयिक राजनीतिमा केन्द्रित हुने मञ्चले जनाएको छ। कार्यक्रम साँझको ६ बजेदेखि १० बजेसम्म हुने पनि मञ्चले जनाएको छ।
मञ्चले नेकपा (एस)का नेता अष्ट्रेलिया आउँदा अन्तरक्रिया र नेपाली समुदायबीच भेटघाट कार्यक्रम गर्दै आइरहेको छ।