कांग्रेस नेता बलबहादुर केसीको आतिथ्यतामा एनएडिएफको अन्तरक्रिया कार्यक्रम

अष्ट्रेलियाको भ्रमणमा रहेका नेपाली कांग्रेसका केन्द्रीय सदस्य एवं पूर्वमन्त्री बलबहादुर केसीको आतिथ्यतामा नेप्लीज अष्ट्रेलियन डेमोक्रेटिक फोरम (एनएडिएफ) ले १९ जनवरीमा सिड्नीमा भेटघाट तथा अन्तरक्रिया कार्यक्रम आयोजना गर्ने भएको छ।

सिड्नीको पारामाटामा १९ जनवरीका दिन बिहान ११ः३० मा कार्यक्रम शुरु हुने एनएडिएफले जनाएको छ। नेपाली समुदायका सरोकारवालालाई कार्यक्रममा उपस्थित भइदिन पनि एनएडिएफले अनुरोध गरेको छ।

अष्ट्रेलियामा नेपालको राजदूतावास स्थापना हुनु अगाडि नै स्थापित एनएडिएफ अष्ट्रेलियामा रहेका नेपाली माझ लोकतान्त्रिक मुल्य मान्यतामा विचार विमर्श गर्ने र नेपालको लोकतन्त्रलाई समेत योगदान गर्ने संस्थाको रुपमा परिचित रहेको छ।