एडिलेडका विष्णुको ‘गैंडाकोटैमा’ गीत सार्वजनिक (भिडिओसहित)

साउथ अष्ट्रेलियाको एडिलेडलाई कर्मथलो बनाउँदै आएका विष्णु तिवारीको रचना र गायनमा गैंडाकोटैमा शिर्षकको गीत शनीबार २९ नोभेम्बरमा युट्युबमार्फत सार्वजनिक भएको छ। नवलपुरको गैंडाकोट तिवारीको जन्मथलो हो।
गैंडाकोट वरिपरि नै छायांकन गरिएको गीतको म्युजिक भिडिओमा चर्चित मोडल कुसुम शर्माले अभिनय गरेकी छिन्। गीतमा राजा राजेन्द्रको संगीत संयोजन रहेको छ। चितवनको भरतपुर महानगरपालिका र तनहुँको देवघाटसँग पनि सिमाना जोडिएको गैंडाकोट प्राकृतिक र सांस्कृतिक रुपमा सम्पन्न छ।
गीतका रचनाकार र गायक तिवारी अष्ट्रेलियामा बसोबास गर्ने नेपाली समुदायमा सामाजिक कामका सक्रीय रहने युवाका रुपमा पनि चर्चित छन्।