साउदी अरबमा अवैध बसोबास गर्ने १९ हजारभन्दा पक्राउ

काठमाडौं । साउदीले राज्यभरका सबै क्षेत्रमा निरीक्षण छापा मार्दा एक साताभित्रै १९ हजारभन्दा बढी अवैध बसोबास गर्नेलाई पक्राउ गरेको छ । तीमध्ये ११ हजार ४ सय २७ जना रेसिडेन्सी कानुन उल्लंघन गर्ने, ४ हजार ६ सय ९७ जना सीमा सुरक्षा कानुन उल्लंघन गर्ने र ३ हजार १ सय ९७ जना श्रम कानुन उल्लंघन गर्नेहरू परेका छन् ।

१८ देखि २४ जनवरीसम्मको अवधिमा सुरक्षा निकाय र सम्बन्धित सरकारी निकायले गरेको संयुक्त क्षेत्रीय सुरक्षा अभियानका क्रममा उनीहरू पक्राउ परेका हुन् । सीमा पार गरेर राज्यमा प्रवेश गर्न खोज्दा पक्राउ परेकाको संख्या १ हजार ७० पुगेको छ । जसमध्ये ३१ प्रतिशत यमनी, ६७ प्रतिशत इथियोपियाली नागरिक र २ प्रतिशत अन्य राष्ट्रका रहेका छन् ।

अवैध रूपमा राज्यबाहिर सीमा पार गर्न खोज्दा करिब १ सय ९३ जना पक्राउ परेका छन् । बसोबास, काम र सीमा सुरक्षा नियम उल्लंघन गर्ने, ओसारपसार गर्ने र काममा लगाउने तथा आश्रय दिने ११ जना पनि पक्राउ गरिएको साउदीको आन्तरिक मन्त्रालयलाई उद्धृत गर्दै साउदी गजेटले जनाएको छ ।

उल्लंघनका लागि विभिन्न चरणमा रहेका कानुनी प्रक्रियामा रहेका ५० हजार ४ सय ८९ पुरुष र ५ हजार २ सय ६७ महिलासहित कुल ५५ हजार ७ सय ५६ प्रवासी रहेका छन् । साथै, ४९ हजार ५ सय ५३ उल्लंघनकारीलाई यात्रा कागजात प्राप्त गर्न तिनीहरूको कूटनीतिक नियोगहरूमा पठाइएको थियो भने १ हजार १ सय ८ उल्लंघनकारीलाई उनीहरूको यात्रा आरक्षण पूरा गर्न सन्दर्भ गरिएकामा १० हजार ५ सय ३७ उल्लंघनकारीलाई देश निकाला गरिएको जनाएको छ ।