भारतीय कारले ठक्कर दिँदा ४ नेपालीको ज्यान गयो 

 भारतीय बजार खटिमास्थित चक्करपुरमा कारले स्कुटरलाई ठक्कर दिँदा ४ जना नेपालीको मृत्यु भएको छ।

कञ्चनपुरको बनबासा नजिकैको बजारमा कारले स्कुटरलाई ठक्करदिंदा एकै परिवारका ४ जनाको ज्यान गएको हो । घटना हिजो दिउसो भएको हो। कार र दुई स्कुटर एक आपसमा ठोक्किएको थियो ।

 भारतीय सञ्चार माध्यमका अनुसार कञ्चनपुरस्थित भीमदत्त नगरपालिका २ उल्टाखाम घर भई भारतको खटिमास्थित मुडेली गाउँमा बस्दै आएका ६० वर्षीय नेमबहादुर चन्द, उनकी पत्नी ५६ वर्षीया सरस्वती, २७ वर्षीया बुहारीहरू नर्मदा चन्द र ४२ वर्षीया कल्पना चन्दको मृत्यु भएको हो। 

समाचार स्रोतका अनुसार उनीहरू पूजाका लागि नेपाल फर्किरहेका थिए। स्कुटरमा मुडेली फर्किरहेका उनीहरूलाई तिव्र गतिमा आएको कारले उनीहरू सवार दुवै स्कुटरलाई ठक्कर दिएको थियो।