उपनिर्वाचनमा राप्रपाको कन्तबिजोग, सबै ठाउँमा जमानत जफत

बैशाख १० को उपनिर्वाचनमा राजावादी भनेर चिनिएको दल राष्ट्रिय प्रजातन्त्र पार्टी (राप्रपा) को सबै ठाउमा जमानत जफत भएको छ। हिन्दु राष्ट्र, राजतन्त्र र सङ्घीयता खारेजको माग गर्दै आएको सो पार्टीको उपनिर्वाचनमा कन्तविजोग भएको हो।

तनहुँ– १ मा विजयी उम्मेदवारले ३४ हजार ९१९ मत ल्याउँदा राप्रपाकी शोभा गुरुङले भने २१८ मत मात्र ल्याईन। जनताको शक्तिमा सक्रिय राजतन्त्रको जरै फालेको यस अवस्थामा यहि गणतन्त्रात्मक राज्य व्यवस्थामा रहेर परिवर्तन र संविधानको विरूद बोल्नेहरूको जनताले हैसियत चिनाइदिएका छन् ।

मंसिर ४ को निर्वाचनमा चितवनकै एक निर्वाचन क्षेत्रमा जीत हात पारेको राप्रपालाई चितवनमै भएको अर्को निर्वाचन क्षेत्रमा भने जमानत नै गुमाउनु परेको छ।

चितेवन-२ मा विजयी उम्मेदवारले ५४ हजार १७६ मत ल्याउदा राप्रपाका जीवलाल पुरीले भने ३६१ मतमा चित्त बुझाउनु परेको छ । गत मङ्सिर ४ मा भएको चुनावमा यसै क्षेत्रका राप्रपा उमेदवार रविन अधिकारीले ९५५ मत पाएका थिए ।तर अहिलेको उपनिर्वाचनमा सो पार्टीले ५ सय भन्दा बढी मत गुमाउन पुगेको छ।

यस्तै मतगणना चलिरहेको बारा-२ मा राप्रपाका उम्मेदवार सोनालालप्रसाद साह तेलीले ५३ मत मात्र पाएका छन् । मंसिर ४ को निर्वाचनमा पनि उम्मेदवार बनेका तेलीले ४६९ मत पाएका थिए। बारा–२ मा जसपाका उम्मेदवार उपेन्द्र यादव १३ हजार ८०४ मत सहित अगाडी छन्। जनमतका शिवचन्द्र कुशवाहाले ९ हजार २३१ मत सहित पछ्याइरहेका छन्।

मधेशमा नयाँ शक्तिको रूपमा उदाएको जनमत पार्टीले भने आफ्नो मत बढाएको छ। त्यस्तै राष्ट्रिय स्वतन्त्र पार्टीले मंसिर ४ को निर्वाचनमा भन्दा यस उपनिर्वाचनमा उल्लेख मत बढाएको छ।

संसदमा चर्का भाषण गर्ने राप्रपाको भने अघिल्लो निर्वाचनमा भन्दा धेरै नै मत घटेको देखिन्छ।