भारतमा पुर्व सांसदको गोली हानी हत्या !!

भारतको उत्तर प्रदेशका पूर्वसांसद अतीक अहमद र उनका भाई अशरफको हत्या गरिएको छ। उत्तर प्रदेशको प्रयागराजमा एक हत्याको बारेमा सोधपुछका लागि लैजादै गर्दा दुवैमाथि पछाडीबाट गोली हानिएको हो ।

भारतीय संचारमाध्यमसँग कुराकानी गरिरहेका बेला दुवैमाथि पछाडीबाट गोली हानेको बताइएको छ। अतिक अहमदको छोरा असदको पनि केहीदिन अघि झाँसीमा प्रहरीले इन्काउन्टरमा हत्या गरेको थियो।

अतीक र अशरफको हत्या कसरी भयो भन्ने प्रहरीले अनुशन्धान गरिरहेको बताइएको छ। हत्याबारे स्पष्ट बाहिर नआएपनि गाडीबाट उत्रिएर संचारमाध्यमसँग कुरा गरिरहेका बेला उनीहरुमाथि गोली प्रहार भएको सार्वाजनिक भएको भिडियोमा देख्न सकिन्छ।