राजावादीको आन्दोलनको पहिलो दिन नै हिंस्रक : भौतिक संरचनामा आगजनी र तोडफोड

काठमाडौं। राजतन्त्र पुनःस्थापनाको माग लिएर तीनकुनेमा भेला भएका राजावादी समूहको हिंसात्मक गतिविधिका कारण शुक्रबार सुरक्षाकर्मीसहित २२ जना घाइते भएका छन् भने एक जना प्रदर्शनकारीको मृत्यु भएको छ। एक संचारकर्मीले ज्यान गुमाएका छन् ।

प्रहरीका अनुसार महाराजगञ्जस्थित त्रिवि शिक्षण अस्पतालमा एक युवकको मृत्यु भएको हो। राजावादीको प्रदर्शनमा घाइते भएका कीर्तिपुरका २९ वर्षीय महर्जनको उपचारका क्रममा मृत्यु भएको गृह मन्त्रालयका सहसचिव छवि रिजालले बताए।प्रदर्शनमा घाइते उनलाई तत्काल टिचिङ अस्पताल लगिएकामा उपचारका क्रममा मृत्यु भएको हो।

राजावादीको प्रदर्शनमा घाइते भएका कीर्तिपुरका २९ वर्षीय महर्जनको उपचारका क्रममा मृत्यु भएको गृह मन्त्रालयका सहसचिव छवि रिजालले बताए।प्रदर्शनमा घाइते उनलाई तत्काल टिचिङ अस्पताल लगिएकामा उपचारका क्रममा मृत्यु भएको हो।

राजावादीको आन्दोलन पहिलो दिनमै अशान्तिपूर्ण बनेपछि अनिश्चय पैदा भएको छ । आन्दोलनकारीहरु विभिन्न स्थानमा तोडफोड र आगजनी गर्दै हिँडनेक्रम रोकिएको छैन् । राजावादी आन्दोलनको नेतृत्व पञ्चायतकालीन नेता नवराज सुवेदीले गरेका थिए । ८७ वर्ष टेक्न लागेका वयोवृद्धले अगुवाइ गरेको आन्दोलन यस्तो अराजक हुने अनुमान थिएन । उनले आन्दोलन शान्तिपूर्ण हुने बताइरहेका थिए, तर आन्दोलन उनको नियन्त्रणमा देखिएन ।

सुवेदी नेतृत्वको संयुक्त जनआन्दोलन समितिले हिजोमात्रै विवादास्पद छविका व्यवसायी दुर्गा प्रसाईंलाई आन्दोलनको जनकमान्डर घोषणा गरेको थियो । प्रसाईंले हिजै निर्मल निवासमा पुगेर पूर्वराजासँग लामो छलफलसमेत गरेका थिए ।

सरकारी पक्षले पूर्वराजाकै इशारामा प्रसाईंले आन्दोलन हिंसात्मक बनाएको दाबी गरेको छ । आज भएका घटनामा पूर्वराजालाई नै जिम्मेवार ठहर्‍याउने सरकारको तयारी छ ।

आन्दोलन सुरुमा सामान्य थियो । तीनकुनेमा प्रदर्शनकारी र प्रहरीहरु धकेलाधकेल गरिरहेका थिए । प्रहरीको पहिलो घेरा आन्दोलनकारीले तोडेको खण्डमा बल प्रयोग गर्ने माथिको आदेश थियो । त्यसैबमोजिम प्रहरीले सुरुमा लाठी चार्ज र अश्रुग्याँस प्रहार ग¥यो ।

यही क्रममा प्रहरीले विरोध सभाका लागि बनाइएको मञ्चमा नै ताकेर अश्रुग्याँस हानेपछि परिस्थिति बिग्रिएको घटनास्थलमा रहेका एक राप्रपा नेता बताउँछन् ।

दुर्गा प्रसाईले केही दिनयता आन्दोलनलाई अराजक र हिंसात्मक बनाउने प्रयास गरिरहेको आशंका राप्रपा नेताहरुलाई पनि थियो । त्यसैले राप्रपाको संस्थापन पक्ष प्रसाईसँग सशंकित भएर आन्दोलनमा जान मानेको थिएन । आन्दोलनमा आउनेक्रममा पनि प्रसाइँले जबरजस्ती गरेका थिए ।

प्रसाईकै उक्साहटमा ठाउँ ठाउँमा घुसेर आगजनी गर्ने,तोडफोड र लुटपाट गर्ने काम भएको गृह मन्त्रालयका प्रवक्ता रिजालले बताए । राप्रपाका बरिष्ठ उपाध्यक्ष रविन्द्र मिश्र,महामन्त्री धवल शमसेर जबरालगायतका नेताहरु नै फिल्डमा खटिएका थिए ।