अमेरिकाको भर्जिनियामा नेपाली युवाहरुले रक्तदान

न्यूयोर्क । संयुक्त राज्य अमेरिकाको भर्जिनिया राज्यमा रहेको नेपाली युवाहरुको क्लब मनासस नेपाली फुटबल क्लब (एमएनएफसी)ले आइनोभा ब्लड डोनर्स सर्भिसेसको सहकार्यमा २६ अक्तोबर २०२४ मा रक्तदान कार्यक्रम गरिएको छ ।

रक्तदान जीवनदानको पवित्र उद्धेश्यका साथ सञ्चालित उक्त कार्यक्रममा करिब ३० जना सहभागिता रहेकोमा १५ जना भन्दा बढी दाताहरुले रक्तदान गरेका थिए ।

कर्यक्रममा सहभागी भएर रक्तदान गर्ने दाताहरु, स्वयमसेवकहरु र आइनोभा ब्लड डोनर्स सर्भिसेसका कर्मचारीहरुका साथै कर्यक्रम सफल बनाउन बिभिन्न रुपमा सहयोग पुर्याउने ब्यक्तित्वहरुलाई आयोजक संस्था एमएनएफसीले हार्दिक आभारसहित धन्यवाद ज्ञापन गरेको छ ।