‘नागरिकता खोइ ?’ अभियानले विदेशमा बस्ने नेपालीको पक्षमा आन्दोलन चर्काउने

काठमाडौं । विदेशमा बस्ने, त्यहीको नागरिकता लिएका र लिन चाहने नेपालीहरूले नागरिकताको निरन्तरताका लागि नागरिकता खोइ अभियानले नेपालमा विभिन्न कार्यक्रम गर्ने तयारी गरेको छ ।

अभियानका लागि वासुदेव घिमिरेले अवसरका लागि विदेश गएका नेपालीहरूले नेपालको नागरिकताको निरन्तरताका लागि सरकारलाई दबाब दिने बताए ।

उनले भने, ‘अवसरका लागि विदेशमा रहेका नेपाली सजिलोका लागि त्यहाँ नागरिकता लिएका छन् र लिन चाहेका छन्, तर, नेपाली नागरिकताको निरन्तरता नहुँदा चित्त बुझेको छैन त्यसैले सरकारलाई बुझाउन नागरिकता खोइ अभियानले दबाब मूलक कार्यक्रम गर्ने तयारी गरेको हो ।’

नागरिकतालाई निरन्तरता दिँदा नेपाललाई नै ठूलो आर्थिक फाइदा हुने उल्लेख गर्दै उनले देश विकासका लागि पनि जरुरी रहेको बताए ।

नागरिकता खोइ अभियान केही महिना अघि गठन भएको हो । विदेशमा बस्ने पाली यस अभियानमा जोडिन सक्ने उनले बताए ।

नेपालको संविधानले दोहोरो नागरिकताको अवधारणालाई स्वीकार गरेर एनआरएन नागरिकता दिन थालेको छ । तर यसमा असन्तुष्टि रहेको उनले बताए ।

एनआरएन नागरिकता लिनेले नेपाल जाँदा भिसा शुल्क समेत तिर्नुपर्ने तर आर्थिक र सामाजिक अधिकार उपयोग गर्न पाइने भनेपछि त्यसो हुन नसकेको उनले बताए ।

एनआरएन नागरिकता लिनेलाई नेपालमा विद्यालय सञ्चालक समिति अध्यक्ष बन्न समेत अधिकार नदिएको उनले बताए । उनले चुनावमा मतदान गर्नेदेखि लिएर अरू अधिकार पनि दिनुपर्ने बताए । नागरिकताको निरन्तरता दिँदा वार्षिक २०० अर्ब रुपैयाँ नेपाल भित्रिने उनले बताए ।