मलेसियाको डिटेन्स सेन्टरमा नेपालीसहित अन्य आप्रवासीमाथि चरम यातना

काठमाडौं । मलेसियाको डिटेन्स सेन्टरमा रहेका नेपालीसहित अन्य आप्रवासीमाथि चरम यातना दिने गरेको पाइएको छ । ह्युमन राइट्स वाच (एचआरडब्लू)ले गत वर्ष ४३ पूर्व बन्दीसँग गरेको अन्तर्वार्ताका आधारमा हिरासतमा रहेका आफ्ना अनुभव सुनाउँदै नयाँ प्रतिवेदन सार्वजनिक गरेको छ ।

एचआरडब्लूको प्रतिवेदनले देशमा शरणार्थी र शरणार्थीलाई बस्ने आप्रवासी हिरासत केन्द्रहरूको कथित रूपमा हानिकारक अवस्थाको विवरण उल्लेख गरेको छ । साथै मानव अधिकार उल्लंघन र दुव्र्यवहारका दाबीहरू सूचीबद्ध गरेकोे छ ।

अध्यागमन डिपोमा हिरासतमा रहेका ४३ जनासँग गरिएको अन्तर्वार्तामा आधारित सो प्रतिवेदनले पूर्वबन्दीको अनुभवको डरलाग्दो चित्रण गरेको र स्थिति भयावह रहेको जनाएको छ ।

अन्तर्वार्ताका क्रममा उनीहरूले अफिसरले चरम यातना दिने गरेको बताएका थिए । रिपोर्टका अनुसार, उत्तरी राज्यको डिपोमा एक जना पूर्वबन्दीले यसो भने, ‘हामीले थप खाना माग्दा, नुहाउन अतिरिक्त पानी लिँदा वा चिसोका लागि कम्बल माग्दा हामीलाई कुटपिट गरिन्थ्यो ।’

प्रतिवेदनमा बन्दीलाई कडा र स्वेच्छाचारी नियमको अधीनमा राखिएको र कुटपिटलगायत सजाय, आवाज निकाल्ने वा आधारभूत आवश्यकता पूरा गर्न नदिएको उल्लेख गरिएको छ । प्रतिवेदनमा भनिएको छ, ‘अन्तर्राष्ट्रिय गैरसरकारी संस्थाले पनि बन्दीले दयनीय जीवन अवस्था भोगेका थिए, चिकित्सा हेरचाहबाट वञ्चित थिए, यातना र लामो शारीरिक दुव्र्यवहारको उदाहरणका अधीनमा थिए, जसका कारण कथित रूपमा धेरैको मृत्यु भएको थियो ।’राजधानी दैनिकले समाचार लेखेको छ ।