अष्ट्रेलियामा एजकेयर र डिजाबिलिटी क्षेत्रमा काम गर्नेलाई दुई वर्षमै पिआर

 अष्ट्रेलिया सरकारले  एजकेयर र डिजाबिलिटी क्षेत्रमा काम गर्नेहरूलाई  दुई वर्षमै पिआर पाउने व्यवस्था गरेको छ । सङ्घीय सरकारकी एजकेयर मन्त्री अनिका वेल्सले एजकेयर इन्डस्ट्रिज लेवर एग्रिमेन्ट अन्तर्गत यस्तो कानुनी व्यवस्था गर्न लागिएको बताएकी हुन्। 

 मन्त्री अनिकाका अनुसार स्पोन्सर स्कील भिषा हुँदै दुइ बर्षमै पिआर पाउन सकिने छ। ग्रामीण क्षेत्रमा काम गर्ने एजकेयर कामदारलाई पिआर दिनेगरी केही समय अघि डामा योजना ल्याइएको थियो । 

या सुविधाको लागी एजकेयर र डिजाबिलिटी कम्पनीहरूले नर्सिङ युनियनसँग सम्झौता गरेर प्रक्रिया अघि बढाउनुपर्ने हुन्छ  । अहिले नै सम्झौता भएका कम्पनीमा काम गर्नेहरूले दुई वर्ष काम गरेको पुरा भएको खण्डमा अहिले नै  पिआरको प्रक्रिया अगाडी बढाउन पाउनेछन् ।