सशस्त्र प्रहरीका सहायक हवल्दारले आफैंलाई गोली हाने !!

दाङमा सशस्त्र प्रहरीका सहायक हवल्दारले आफैंलाई गोली हानी आत्महत्या गरेका छन् । तुलसीपुर कारागारमा खटिएका ३५ वर्षीय बसन्त केसीले आफैलाई गोली हानेका हुन्।

तुलसीपुर उपमहानगरपालिका-८ टिकरीका केसीले डयुटीमा खटिएको बेला गएराति आफैंलाई गोली हानेको इलाका प्रहरी कार्यालय तुलसीपुरले जानकारी दिएको छ ।

गोली लागेर उनको घटनास्थलमै मृत्यु भएको थियो। उनी कारागार सुरक्षा गुल्ममा कपिलवस्तुबाट पाँच दिन पहिले मात्रै सरुवा आएका थिए।