कैलालीमा कोरोना संक्रमित वृद्धाको मृत्यु !

धनगढीस्थित सेती प्रादेशिक अस्पतालमा कोरोना संक्रमित एक वृद्धाको मृत्यु भएको छ । आज कञ्चनपुरको भीमदत्त नगरपालिकाकी ७३ वर्षीया वृद्धाको कोरोना सङ्क्रमणबाट मृत्यु भएको अस्पतालका सूचना अधिकारी मेखराज जोशीले जानकारी दिएका छन् ।

मुटुको बिरामी समेत रहेकी उनलाई चैत २६ गते कोरोना भाइरस संक्रमण पुष्टि भएको थियो। कैलालीको अस्थायी कोरोना अस्पतालको आइसियुमा उपचार भइरहेको अवस्थामा वृद्धाको मृत्यु भएको सूचना अधिकारी जोशीले बताए।