अष्ट्रेलियाका नेपालीको लगानी रहेको चलचित्र ‘दोख’ को सिड्नीमा बिशेष प्रदर्शन हुदै

अष्ट्रेलियाका नेपाली ब्यवसायीहरूको समेत लगानी रहेको अनुप बराल निर्देशित चलचित्र ‘दोख’को विशेष प्रदर्शन सिड्नीमा हुने भएको छ ।

आगामी जुलाई ३० तारिख बरउडको इभेन्ट सिनेमा र ३१ तारिख हर्सभिलको इभेन्ट सिनेमा हलमा चलचित्र ‘दोख’ को विशेष प्रदर्शन हुने भएको हो ।
चलचित्रमा दीया मास्के, मनिष निरौला, लोकमणि सापकोटा, राज थापा, सुरज मल्ल, माओत्से गुरुङ, रोय दिभ, कमल देवकोटा, साजन थापा मगरलगायतको अभिनय छ ।
चलचित्रमा माओवादी सशस्त्र युद्धको समयमा सामुदायिक वनमा आफ्नो हक जमाउन दुई गाउँबीच भएको फुटबल प्रतियोगिताको परिवेशलाई प्रस्तुत गरिएको छ ।
चलचित्र निर्माण सविन ज्ञवाली र मनोज अधिकारीले गरेका छन् । चलचित्रमा शैलेन्द्र डि. कार्कीको छायांकन, अष्ट महर्जनको द्वन्द्व, निमेष श्रेष्ठको सम्पादन र राजन कठेतको कथा छ ।
चलचित्रको कार्यकारी निर्मातामा रञ्जु वाग्ले थापा, भीम न्यौपाने, ओम गुरुङ र एसोसियट निर्मातामा सन्तोष पाठक, धर्म अधिकारी, प्रविन पाठक, सुमिता आचार्य, दीपक खनाल र युवराज भट्टराई छन् ।
सात वर्ष अघि छायांकन भएको यस चलचित्रको नेपालमा साता अघिदेखि मात्र प्रदर्शन सुरू भएको हो ।