बसको ठक्करबाट सहचालकको मृत्यु

काठमाडौं– भारतको सिलगढीतर्फ जाँदै गरेको बसको ठक्करबाट सहचालकको मृत्यु भएको छ। बा ५ ख ७८४३ नम्बरको (नेपाल भारत मैत्री) बसले सोही बसका सहचालक सुनसरीको झुम्काका २३ वर्षका जनक दाहाललाई ठक्कर दिएको थियो।

उनको घटनास्थलमै मृत्यु भएको जिल्ला प्रहरी कार्यालयले जानकारी दिएको छ। काठमाडौंबाट छुटेको बसले आज बिहान करिब ४ बजेतिर इच्छाकामना गाउँपालिकाको मौवाखोला नजिक पृथ्वी राजमार्गमा सहचालकलाई ठक्कर दिएको थियो।

शव पोष्टमार्टमको लागि भरतपुर अस्पताल ल्याइएको छ। बस र चालक इलाका प्रहरी कार्यालय मुग्लिनको नियन्त्रणमा छन्।