छात्रामाथि दुर्व्यवहार गरेको आरोपमा शिक्षक पक्राउ
एएनजेड खबरमे २४, २०२२
![](https://www.anzkhabar.com.au/wp-content/uploads/2022/05/ST-Lawrence-Chabahil.jpg)
काठमाडौं – छात्रामाथि दुर्व्यवहार गरेको आरोपमा काठमाडौंको चाबेलस्थित सेन्ट लरेन्स कलेजका एक शिक्षकलाई प्रहरीले नियन्त्रणमा लिएको छ । प्रहरीका अनुसार कलेजका शिक्षक जनार्दन अधिकारीलाई नियन्त्रणमा लिइएको हो । उनी कलेजका को-अर्डिनेटर हुन्।
उनले कलेजका छात्रामाथि यौन दुर्व्यवहार गरेको आरोप लागेको छ । उनीविरूद्ध मंगलबार तीन जना विद्यार्थीले उजुरी दिएपछि पक्राउ गरिएको प्रहरी वृत्त गौशलाले जनाएको छ। शिक्षकमाथि कारबाहीको माग गर्दै आज बिहान कलेज परिसरमा विद्यार्थीहरूले प्रदर्शन समेत गरेका थिए ।
घटनाबारे अनुसन्धान भइरहेको प्रहरीले जनाएको छ ।
तपाइँको प्रतिक्रिया