न्यु साउथवेल्सकी प्रिमियर ग्ल्याडिस बेरेजेक्लियन गरिन् राजीनामा
सिडनी न्यु साउथ वेल्सकी प्रिमियर ग्ल्याडिस बेरेजेक्लियनले पदबाट राजीनामा दिएकी छिन् ।
सरकारी अनुदान बितरणमा भएको अनियमितताका विषयमा इन्डिपेन्डेन्ट कमिसन अगेन्स्ट करप्सन (आइसीएसी)ले छानवीन गर्ने भएपछि प्रिमियरको राजीनामा आएको हो ।
न्यु साउथवेल्सको भ्रष्टाचारविरुद्धको आयोग आइसिएसिले सन् २०१२ देखि २०१८ सम्म बितरित सरकारी अनुदानमा अनियमितता भएको भन्दै प्रिमियरलाई छानविनको अगाडी बढाएको छ ।
पत्रकार सम्मेलनमार्फत प्रिमियरले नयाँ प्रिमियरको छनौट भएपछि प्रिमियरवाट हट्ने र साँसद पदबाटसमेत राजीनामा दिने घोषणा गरिन् ।
यसअघि राज्यको वागावागाका साँसद म्यागोइरमाथि सरकारी अनुदानमा अनियमिताको आरोप लागेको थियो ।
साँसद म्यागोइर र प्रिमियर ग्ल्याडिसविचको गोप्य प्रेम संबन्धको पोल खुलेपछि ग्ल्याडिस पनि शँकाको घेरामा आएकी थिइन् ।
पत्रकार सम्मेलनमा भने ग्लाडियसले आफुले जनताको विश्वास नतोडेको बताइन् ।
आइसीएसीले आगामी अक्टोबर १८ मा प्रिमियर ग्ल्याडिसले गरेको पदको दुरुपयोगका वारेमा छानवीन गर्न सार्वजनिक सुनुवाई गर्दैछ ।
तपाइँको प्रतिक्रिया